Za ime tega mesta na internete smo zijeli besedo #GAMELA, samo tako, kako neki lončić va kijega ćemo stavljat i miješat se ča najdemo ili nan ki reče ili napiše pa ćemo to lijepo složit kako kad biš va gamelo stavi kapuz, šugo i njoki. Eko - to je to.

Tu će bit se štorije, pensiri, verši, zapisi, računi i porezne prijave - sve objavljujemo ko je napisano na nekijen ot istrijanskeh lokalnih govori. Moru oni biti talijansko-istro-venetski ili hrvatsko-vlaško-bezačko-čakavski. 

kakogod

Sat, najprvo da rečen kako je počelo.

Delali smo libar z Elijon Velanon ...

Za povedat štuorijo od teh Elijoveh penšijeri, da ča je i kako hi je učini bi rabilo reć kako smo skroz jutarnje besedi po savičijentskih oštarij, po hižah i lišijerah spensijevali se kakouof muod bi najbolji bi za to upravit. Sega nan je bilo na pameti, a zuz miljar slučajnih besijed uvako je i finulo. Najprvo z jenijen manjen librićen pak z lijepo pomoć županijskega uvega unega za kulturo i zavičajnost finulo je na internete, pokle je riva veći i deblji libar, aš je rabilo nikako stat i Maružinovo delo, a da se dobro kapi da so Đanijeve slike početak cijelega dela. Sat pak će uvo biti dostupno va svijeh fuozah ča ga današnje tehnologije dajuo za sako potrebo, a moran još reć da mi je Velan odpošti da uvo za napisat kako bi va jenijen libre bi i Talijanski kako guore tu poli nas i Vlaški kako ča guori Edi Maružin i uvo Bezačko kako ča san ja to složi koliko san moga. To da je, guori uon, prvi takuof libar, a još i na tijen vrajžen internete: gamela.sikuti.hr

Mario Benčić